ரொறோண்டோ: இன்னுமொரு பெருவிழா திடீர் நிறுத்தம்!
மாநகரசபையின் இழுபறியே காரணம் கடந்த 40 வருடங்களாக ரொறோண்டோ வாழ் மக்களை மகிழ்வித்து வந்த AFROFEST என்னும் இசை நிகழ்ச்சியின் இவ்வருட நிகழ்வு நிறுத்தப்படுகிறது என திடீர்
Read Moreமாநகரசபையின் இழுபறியே காரணம் கடந்த 40 வருடங்களாக ரொறோண்டோ வாழ் மக்களை மகிழ்வித்து வந்த AFROFEST என்னும் இசை நிகழ்ச்சியின் இவ்வருட நிகழ்வு நிறுத்தப்படுகிறது என திடீர்
Read More‘சுறுசுறுப்பான வாழ்க்கை, ஆரோக்கியமான முதுமை’ என்ற தொனிப் பொருளில் 2025ஆம் ஆண்டு கொண்டாடப்படும் ‘ஒன்ராறியோ முதியோர் மாதத்தை சிறப்பிக்கும் வகையில் ஸ்காபரோ சட்டமன்ற உறுப்பினரும், முதியோர் விவகார, அணுகுமுறை அமைச்சருமான ரேமண்ட் சோ ஏற்பாடு செய்த முதலாம் ஆண்டு முதியோர் கண்காட்சி சீன கலாசார மண்டபத்தில் 24ஆம் திகதி செவ்வாய்க்கிழமை வெற்றிகரமாக நடைபெற்றது. இந்த நிகழ்விற்கு டொரண்டோ பெருநகரின் சீன கலாசார மையமும், ஸ்காபரோ வர்த்தக சங்கமும் இணை அனுசரணை வழங்கியிருந்தன. இதில் சுமார் 1000 முதியோர் பங்கேற்று பயன்பெற்றிருந்தனர். ஸ்காபரோவில் முதியோருக்கான சேவைகளை வழங்கும் 40 இற்கும் மேற்பட்ட நிறுவனங்கள் தமது காட்சிக்கூடங்களை அமைத்திருந்தன. குறிப்பாக கண், காது, உடல் பரிசோதனை உள்ளிட்ட சுகாதார சேவைகளும் இங்கு இடம்பிடித்திருந்தன. மூத்த குடிமக்களின் சமநிலை, பாதுகாப்பு, சுயாதீனம் என்ற தலைப்பிலும் முதியோர் இல்லத்தைத் தேர்ந்தெடுக்கும்போது அறிய வேண்டிய விடயங்கள் என்ற தலைப்பிலும் கருத்தரங்குகள் நடைபெற்றன. அத்துடன் முதியோரை இலக்குவைத்து மோசடியாக பணம் திருடப்படுவதைத் தவிர்ப்பதற்கான விழிப்புணர்வு கருத்தரங்கொன்று RCMP பொலிசாரினால் வழங்கப்பட்டிருந்தது. இந்தக் கண்காட்சியில் தமிழ், சீன உள்ளிட்ட பல்வேறு கலாசார நிகழ்வுகளும் நடைபெற்றன. Frontline Community Centre அமைப்பைச் சேர்ந்த முதியோர் வழங்கிய தமிழ் பாரம்பரிய நடனமான கோலாட்டம், குழு யோகா, சீனர்களின் கலாசார நடனங்கள் உள்ளிட்ட அம்சங்களும் நிகழ்வை வண்ணமயமாக்கின. இந்த நிகழ்வில் உரையாற்றிய சட்டமன்ற உறுப்பினரும், முதியோர் விவகார, அணுகுமுறை அமைச்சருமான ரேமண்ட் சோ, ‘இந்த சமூகத்தைக் கட்டமைத்த முதியோர் கொண்டாடப்பட வேண்டியவர்கள். முதியோரின் உழைப்பும் அனுபவமும் இன்றைய சமூகத்தை உருவாக்கியிருக்கிறது. அதனை கௌரவிக்கும் வகையில் ஒன்ராறியோ முதியோர் மாதத்தை கொண்டிக்கொண்டிருக்கிறோம். இந்த நிகழ்வை சிறப்பித்துக் கொண்டிருக்கும் முதியோருக்கான சேவைகளை வழங்கும் வர்த்தக நிறுவனங்கள், சமூக அமைப்புகள் உள்ளிட்ட அனைவருக்கும் நன்றிகள். இந்த நிகழ்வை வெற்றிகரமாக நடத்துவதற்கு துணை நின்ற சீன கலாசார மையம், ஸ்காபரோ வர்த்தகச் சங்கம், தொண்டு ஊழியர்கள் உள்ளிட்ட அனைவருக்கும் நன்றிகளைத் தெரிவித்துக் கொள்கிறேன்” என்று தெரிவித்தார். “எங்கள் மையத்தில் இந்த முக்கியமான நிகழ்வை இணைந்து நடத்துவதில் நாங்கள் பெருமைகொள்கிறோம்” என்று டொராண்டோ பெருநகரின் சீன கலாசார மையத்தின் தலைவர் ஆலன் லாம் கூறினார். “எங்கள் பல்நோக்கு மண்டபம் நிறைந்திருப்பதைப் பார்க்கும் போது உற்சாகமாக இருக்கிறது. இது வெறும் கண்காட்சியாக மட்டுல்லாமல் சுறுசுறுப்பாகவும் ஆரோக்கியமாகவும் வாழவதற்கான வளங்களையும் அவர்களுக்குப் பெற்றுக்கொள்ள முடிந்துள்ளது. நல்வாழ்வு, கற்றல் மற்றும் இணைப்புக்கான ஒரு சிறந்த இடமாக இது இருக்கிறது. இதுபோன்ற நிகழ்வுகள் சமூகம் ஒன்று சேர்ந்து ஒருவரையொருவர் மேம்படுத்தவும் ஆதரிக்கவும் உந்துசக்தியாக அமைகிறது.” “நாங்கள் முதியோர் மாதத்தைக் கொண்டாடும் இந்த வேளையில் ஸ்காபரோ வணிக சங்கம், இந்த கண்காட்சியில் ஒரு சமூக பங்காளியாக பங்கேற்பதில் பெருமை கொள்கிறது.” என்று ஸ்காபரோ வணிக சங்கத்தின் தலைவர் ரியான் சோமர் கூறினார். “இந்த நிகழ்வு நமது முதியோர்களுக்கு சேவை செய்யும் பணிகளை வெளிப்படுத்துவது மட்டுமல்லாமல், சமூக இணைப்பின் சக்தியையும் எடுத்துக்காட்டுகிறது. நமது முதியோரை ஆதரிப்பதும் அவர்களை பங்களிக்கச் செய்வதும் குடும்பங்களை வலுப்படுத்துவது மட்டுமன்றி உள்ளூர் பொருளாதாரத்திற்கும் பங்களிக்கிறது.” என்று தெரிவித்தார். கண்காட்சிக்கு வந்திருந்த முதியோருக்கு மதிய உணவு (இலகு) வழங்கப்பட்டதுடன் கண்காட்சிக் கூடங்களில் முதியோர் தமக்குத் தேவையான தகவல்களையும் பெற்றுப் பயனடைந்தனர். ஊடகத் தொடர்பு ஸ்காபரோ வடக்கு சட்டமன்ற உறுப்பினர் ரேமண்ட் சோ அலுவலகம்416-988-9314 | raymond.cho@pc.ola.org
Read More